Maniġer tal-kuntratti

Negozjar tat-termini, tal-kundizzjonijiet, tal-ispejjeż u ta’ speċifikazzjonijiet oħrajn ta’ kuntratt, filwaqt li jiġi żgurat li dawn ikunu konformi mar-rekwiżiti legali u legalment infurzabbli. Sorveljanza tal-eżekuzzjoni tal-kuntratt, qbil fuq kwalunkwe bidla f’konformità ma’ kwalunkwe limitazzjoni legali u dokumentazzjoni tagħhom.

Ibni relazzjoni tajba mal-fornituri sabiex ittejjeb l-għarfien u l-kwalità tal-provvista.

Ilħaq qbil mal-fornitur dwar it-teknika, il-kwantità, il-kwalità, il-prezz, il-kundizzjonijiet, il-ħżin, l-imballaġġ, it-treġġigħ lura u rekwiżiti oħra relatati mal-proċess tax-xiri u tal-għoti.

Negozjar ta’ termini bħal prezz, kwantità, kwalità, u termini ta’ konsenja ma’ bejjiegħa u fornituri sabiex jiġu żgurati l-kundizzjonijiet tax-xiri l-aktar ta’ benefiċċju.

Applikazzjoni tal-prinċipji ta’ verifika u l-qafas ta’ kontroll finanzjarju li jiżguraw li l-provvisti, is-servizzi jew ix-xogħlijiet rilevanti jitwasslu f’konformità mat-termini u l-kundizzjonijiet tal-kuntratt u mar-regoli finanzjarji u kontabilistiċi applikabbli kollha sabiex wieħed jipproċedi għall-ħlas.

Aderixxi ma’ standards u linji gwida speċifiċi għall-organizzazzjoni jew għad-dipartiment. Ifhem il-motivazzjonijiet tal-organizzazzjoni u l-ftehimiet komuni u aġixxi skont dan.

Aderixxi mal-istandards organizzattivi Ewropej u reġjonali speċifiċi u mal-kodiċi ta’ etika, ifhem ir-raġunijiet tal-organizzazzjoni u l-ftehimiet komuni u applika din is-sensibilizzazzjoni.

Tibdil fl-approċċ għal sitwazzjonijiet ibbażati fuq tibdiliet mhux mistennija u f’daqqa fil-ħtiġijiet u fil-burdata tan-nies jew fit-tendenzi; tibdil fl-istrateġiji, improvizzazzjoni u adattament naturali għal dawk iċ-ċirkustanzi.

Identifika s-saħħiet u d-dgħufijiet ta’ diversi kunċetti astratti u razzjonali, bħal kwistjonijiet, opinjonijiet, u approċċi relatati ma’ sitwazzjoni problematika speċifika sabiex jiġu fformulati soluzzjonijiet u metodi alternattivi biex tiġi indirizzata s-sitwazzjoni.

Ikkoopera mal-kollegi sabiex tiżgura li l-operazzjonijiet jitmexxew b’mod effettiv.

Twettiq ta’ valutazzjoni ex post tar-riżultati tanġibbli u tal-eżiti ta’ proċess ta’ akkwist biex jiġu vvalutati l-punti ta’ saħħa u d-dgħufijiet u teħid ta’ tagħlimiet għal sejħiet għall-offerti futuri. Ġbir ta’ data rilevanti f’konformità mal-obbligi ta’ rapportar organizzazzjonali u nazzjonali.

Ħolqien u żamma ta’ relazzjonijiet interni u esterni tajbin mal-partijiet ikkonċernati fil-livell operattiv abbażi ta’ fiduċja reċiproka u kredibbiltà sabiex jintlaħqu l-għanijiet organizzattivi. Żgurar li l-istrateġiji organizzattivi jinkorporaw immaniġġjar b’saħħtu tal-partijiet ikkonċernati u identifikazzjoni u għoti ta’ prijorità lir-relazzjonijiet strateġiċi tal-partijiet ikkonċernati.

Enfasi tal-isforzi u l-prijoritizzazzjoni tax-xogħol biex jitwassal valur għall-flus, f’konformità mal-linji gwida u l-politiki tas-servizz pubbliku, sabiex jinkisbu ffrankar tal-kostijiet u għanijiet strateġiċi u sostenibbli, filwaqt li jiġu identifikati b’mod proattiv l-ineffiċjenzi, jingħelbu l-ostakli u jiġi adattat l-approċċ tagħhom biex jitwasslu b’mod konsistenti eżiti ta’ akkwist sostenibbli u ta’ prestazzjoni għolja.

Identifikazzjoni tat-tipi differenti ta’ riskji fil-proċessi tal-akkwist pubbliku u applikazzjoni ta’ miżura ta’ mitigazzjoni u proċessi ta’ awditjar u kontroll intern. Adozzjoni ta’ approċċ proattiv biex jiġu protetti l-interessi tal-organizzazzjoni u tal-bene pubbliku.

Ibni relazzjoni dejjiema u sinifikanti mal-fornituri u l-fornituri tas-servizzi sabiex tiġi stabbilita kollaborazzjoni pożittiva, profittabbli u dejjiema, negozjar ta’ kooperazzjoni u kuntratti.

Inkorporazzjoni ta’ għanijiet strateġiċi tal-politika pubblika fi proċeduri ta’ akkwist, bħall-akkwist pubbliku ekoloġiku (APE) u l-akkwist pubbliku soċjalment responsabbli (SRPP). Kontribuzzjoni għat-tnaqqis tal-impatt ambjentali tal-akkwist, għall-ksib tal-għanijiet soċjali u għat-titjib tal-valur għall-flus għall-organizzazzjoni u għas-soċjetà inġenerali.