Xjentist veterinarju

Produzzjoni, deskrizzjoni, ħżin, preservazzjoni u użu (mill-ġdid) ta’ data xjentifika abbażi tal-prinċipji FAIR (“Findable, Accessible, Interoperable, and Reusable”), filwaqt li d-data tkun miftuħa kemm jista’ jkun, u magħluqa kemm meħtieġ.

Involviment fit-tnissil jew fil-ħolqien ta’ għarfien ġdid permezz tal-formulazzjoni ta’ mistoqsijiet ta’ riċerka, riċerka, titjib jew żvilupp ta’ kunċetti, teoriji, mudelli, tekniki, strumentazzjoni, software jew metodi operattivi u billi jintużaw metodi u tekniki xjentifiċi.

Eżegwixxi investigazzjoni empirika sistematika ta’ fenomeni osservabbli permezz ta’ tekniki statistiċi, matematiċi jew komputazzjonali.

Applikazzjoni ta’ prinċipji etiċi fundamentali u leġiżlazzjoni għar-riċerka xjentifika, inklużi kwistjonijiet ta’ integrità tar-riċerka. Twettiq, rieżami jew irrapportar ta’ riċerka li tevita mġiba ħażina bħal fabbrikazzjoni, falsifikazzjoni u kkopjar.

Trawwim ta’ kollaborazzjonijiet integrati fejn partijiet ikkonċernati differenti joħolqu b’mod konġunt innovazzjonijiet ta’ valur kondiviż.

Kunsiderazzjoni tal-karatteristiċi bijoloġiċi u tal-karatteristiċi soċjali u kulturali li qed jevolvu tan-nisa u tal-irġiel (ġeneru) fil-proċess kollu tar-riċerka.

Twettiq ta’ riċerka trasversali lil hinn mill-konfini dixxiplinari u funzjonali.

Ġbir tal-informazzjoni rilevanti billi jiġu applikati metodi sistematiċi, bħal intervisti, gruppi ta’ fokus, analiżi tat-test, osservazzjonijiet u studji tal-każijiet.

Involviment mal-pubbliku fit-tfassil, fit-twettiq u fit-tixrid tar-riċerka.

Abbozzar u editjar ta’ testi xjentifiċi, akkademiċi jew tekniċi dwar suġġetti differenti.

Żvelar lill-pubbliku tar-riżultati xjentifiċi bi kwalunkwe mezz xieraq, inklużi konferenzi, workshops, kollokji u pubblikazzjonijiet xjentifiċi.

Twettiq ta’ riċerka akkademika, f’università jew f’kulleġġ jew b’mod indipendenti, fil-qasam tal-għarfien espert ta’ dak li jkun u pubblikazzjoni f’kotba jew f’ġurnali akkademiċi bl-għan li jingħata kontribut għall-qasam ta’ dak li jkun u tinkiseb akkreditazzjoni akkademika personali.

Ippreżenta l-ipoteżi, is-sejbiet, u l-konklużjonijiet tar-riċerka xjentifika tiegħek fil-qasam tal-għarfien espert tiegħek f’pubblikazzjoni professjonali.

Solvi l-problemi li jmorru lil hinn mill-kompetenza ta’ prattika ġenerali veterinarja.

Identifika u ddetermina l-istatus fiżjoloġiku tal-annimali u n-natura u l-kawża tal-mard tal-annimali permezz tal-evalwazzjoni tal-istorja tal-pazjent, l-eżami kliniku, u l-għażla, it-teħid u r-reviżjoni ta’ data konfermatorja ta’ teħid ta’ immaġnijiet, tal-laboratorju u data ta’ testijiet anċillari oħra.

Osserva u evalwa l-imġiba tal-annimali sabiex taħdem magħhom b’mod sigur u rrikonoxxi devjazzjonijiet minn imġiba normali li tagħti sinjal ta’ saħħa u benessri kompromessi.

Għażla, amministrazzjoni, u monitoraġġ tal-loppju fl-annimali bi tħejjija għall-kirurġija.

Ikkomunika r-rilevanza u l-avvanzi fil-qasam ta’ speċjalizzazzjoni lill-veterinarji ta’ prattika ġenerali u lil dawk li mhumiex veterinarji.

Kondiviżjoni ta’ sejbiet reċenti u eċċitament għax-xjenza mal-pubbliku ġenerali, żieda tal-għarfien pubbliku, apprezzament u fehim tax-xjenza, promozzjoni tal-użu ta’ riżultati xjentifiċi fl-iffurmar tal-opinjonijiet.

Produzzjoni u analiżi ta’ data xjentifika li toriġina minn metodi ta’ riċerka kwalitattiva u kwantitattiva. Ħżin u żamma tad-data fil-bażijiet tad-data tar-riċerka. Appoġġ għall-użu mill-ġdid tad-data xjentifika u familjarità mal-prinċipji tal-immaniġġjar tad-data miftuħa.

Mexxi u interpreta proċeduri sempliċi f’laboratorju ta’ prattika veterinarja fuq kampjuni ta’ annimal li jkunu maħsuba biex isibu, jidentifikaw, jew jikkwantifikaw aġenti tal-mard, jevalwaw funzjonijiet ta’ organi, jew jiddeterminaw in-natura ta’ marda.

Oħloq u żomm reġistri kliniċi għall-annimali skont ir-rekwiżiti regolatorji nazzjonali.

Ippjana u uża miżuri ta’ bijosigurtà xierqa biex tiġi evitata t-trażmissjoni ta’ mard u tiġi żgurata bijosigurtà ġenerali effettiva. Żomm u segwi l-proċeduri tal-bijosigurtà u l-kontroll tal-infezzjonijiet meta taħdem mal-annimali, inkluż ir-rikonoxximent ta’ kwistjonijiet tas-saħħa potenzjali u t-teħid ta’ azzjoni xierqa, il-komunikazzjoni ta’ miżuri ta’ kontroll tal-iġjene tas-sit u proċeduri ta’ bijosigurtà, kif ukoll ir-rappurtar lil oħrajn.

Turija ta’ kunsiderazzjoni lill-oħrajn kif ukoll kolleġġjalità. Smigħ, għoti u riċeviment ta’ feedback, rispons b’mod perċettiv lill-oħrajn, u jinvolvi wkoll is-superviżjoni u t-tmexxija tal-persunal f’ambjent professjonali.

Tħaddim u produzzjoni ta’ software b’Sors Miftuħ. Familjarità mal-mudelli ewlenin ta’ Sors Miftuħ, mal-iskemi ta’ liċenzjar u mal-prattiki ta’ kodifikazzjoni adottati b’mod komuni fil-produzzjoni ta’ software b’Sors Miftuħ.