Mineraloġista

Kunsiderazzjoni tal-karatteristiċi bijoloġiċi u tal-karatteristiċi soċjali u kulturali li qed jevolvu tan-nisa u tal-irġiel (ġeneru) fil-proċess kollu tar-riċerka.

Twettiq ta’ riċerka trasversali lil hinn mill-konfini dixxiplinari u funzjonali.

Involviment mal-pubbliku fit-tfassil, fit-twettiq u fit-tixrid tar-riċerka.

Produzzjoni, deskrizzjoni, ħżin, preservazzjoni u użu (mill-ġdid) ta’ data xjentifika abbażi tal-prinċipji FAIR (“Findable, Accessible, Interoperable, and Reusable”), filwaqt li d-data tkun miftuħa kemm jista’ jkun, u magħluqa kemm meħtieġ.

Involviment fit-tnissil jew fil-ħolqien ta’ għarfien ġdid permezz tal-formulazzjoni ta’ mistoqsijiet ta’ riċerka, riċerka, titjib jew żvilupp ta’ kunċetti, teoriji, mudelli, tekniki, strumentazzjoni, software jew metodi operattivi u billi jintużaw metodi u tekniki xjentifiċi.

Applika metodi u tekniki xjentifiċi biex jinvestigaw fenomeni, billi jinkiseb għarfien ġdid jew jiġi kkoreġut jew integrat l-għarfien preċedenti.

Applikazzjoni ta’ prinċipji etiċi fundamentali u leġiżlazzjoni għar-riċerka xjentifika, inklużi kwistjonijiet ta’ integrità tar-riċerka. Twettiq, rieżami jew irrapportar ta’ riċerka li tevita mġiba ħażina bħal fabbrikazzjoni, falsifikazzjoni u kkopjar.

Trawwim ta’ kollaborazzjonijiet integrati fejn partijiet ikkonċernati differenti joħolqu b’mod konġunt innovazzjonijiet ta’ valur kondiviż.

Wettaq xogħol fuq il-post jew riċerka li hija l-ġbir ta’ informazzjoni barra minn laboratorju jew ambjent ta' post tax-xogħol. Żur postijiet sabiex tiġbor informazzjoni speċifika dwar il-qasam.

Abbozzar u editjar ta’ testi xjentifiċi, akkademiċi jew tekniċi dwar suġġetti differenti.

Żvelar lill-pubbliku tar-riżultati xjentifiċi bi kwalunkwe mezz xieraq, inklużi konferenzi, workshops, kollokji u pubblikazzjonijiet xjentifiċi.

Twettiq ta’ riċerka akkademika, f’università jew f’kulleġġ jew b’mod indipendenti, fil-qasam tal-għarfien espert ta’ dak li jkun u pubblikazzjoni f’kotba jew f’ġurnali akkademiċi bl-għan li jingħata kontribut għall-qasam ta’ dak li jkun u tinkiseb akkreditazzjoni akkademika personali.

Ippreżenta l-ipoteżi, is-sejbiet, u l-konklużjonijiet tar-riċerka xjentifika tiegħek fil-qasam tal-għarfien espert tiegħek f’pubblikazzjoni professjonali.

It-teħid ta’ kampjuni ta’ materjali minerali għal skopijiet ta’ ttestjar. It-twettiq ta’ diversi testijiet kimiċi u fiżiċi fuq il-materjali.

Analizza l-kampjuni tal-laboratorju bl-użu ta’ tagħmir bħal spettrometri, kromatografi tal-gass, mikroskopji, mikro-sondi u analizzaturi tal-karbonju. Iddetermina l-età u l-karatteristiċi tal-kampjuni ambjentali bħall-minerali, il-blat jew il-ħamrija.

Eżamina u wettaq testijiet fuq kampjuni mħejjija; evita kwalunkwe possibbiltà ta’ kontaminazzjoni aċċidentali jew intenzjonata matul il-fażi tal-ittestjar. Ħaddem t-tagħmir tal-kampjunar f’konformità mal-parametri tad-disinn.

Twettiq ta’ testijiet bħal eżaminazzjonijiet tar-raġġi X sabiex jiġu ddeterminati l-kompożizzjoni u t-tip ta’ struttura kristallina ta’ mineral speċifiku. Din l-istruttura hija l-mod kif l-atomi jitqiegħdu f’mudell ġeometriku uniku fi ħdan mineral.

Wettaq testijiet tal-laboratorju biex tipproduċi dejta affidabbli u preċiża biex jiġu appoġġjati r-riċerka xjentifika u l-ittestjar tal-prodotti.

Tħaddim ta’ mikroskopju, strument użat sabiex jiġu osservati oġġetti li huma żgħar wisq sabiex jiġu osservati bl-għajnejn.

Qari, interpretazzjoni u ġbir fil-qosor b’mod kritiku informazzjoni ġdida u kumplessa minn sorsi differenti.

Ħu sehem fil-ġbir ta’ data ġeoloġika bħalma huma l-core logging, l-immappjar ġeoloġiku, is-surveying ġeokimiku u ġeofiżiku, il-ġbir tad-data diġitali, eċċ.

Żvilupp ta’ alleanzi, kuntatti jew sħubijiet, u skambju ta’ informazzjoni ma’ oħrajn. Trawwim ta’ kollaborazzjonijiet integrati u miftuħa fejn partijiet ikkonċernati differenti joħolqu b’mod konġunt riċerka u innovazzjonijiet ta’ valur kondiviż. Żvilupp tal-profil jew tad-ditta personali u viżibbiltà u aċċessibbiltà f’ambjenti ta’ networking wiċċ imb wiċċ u online.

Immaniġġja u ppjana diversi riżorsi, bħal riżorsi umani, baġit, skadenza, riżultati, u kwalità meħtieġa għal proġett speċifiku, u ssorvelja l-progress tal-proġett sabiex jinkiseb għan speċifiku fi żmien u baġit stabbiliti.

Familjarità mal-istrateġiji ta’ Pubblikazzjonijiet Miftuħa, mal-użu tat-teknoloġija tal-informatika għall-appoġġ tar-riċerka, u mal-iżvilupp u mal-immaniġġjar ta’ CRIS (sistemi ta’ informazzjoni ta’ riċerka attwali) u repożitorji istituzzjonali. Għoti ta’ pariri dwar il-liċenzjar u d-drittijiet tal-awtur, użu ta’ indikaturi biblijometriċi, u kejl u rapportar tal-impatt tar-riċerka.

It-twettiq ta’ operazzjonijiet ta’ pproċessar ta’ minerali, li għandhom l-għan li jisseparaw minerali ta’ valur minn skart tal-ġebel jew tikħil. Is-sorveljazzjoni u l-implimentazzjoni ta’ proċessi bħall-kampjunaar, l-analiżi u l-aktar importanti l-proċess ta’ separazzjoni elettrostatika, li jissepara materjali ta’ valur minn minerali mhux maħduma.

L-għoti ta’ pariri dwar l-impatt tal-fatturi ġeoloġiċi fuq l-iżvilupp tal-produzzjoni tal-minerali. Il-kunsiderazzjoni ta’ fatturi bħall-ispiża, is-sigurtà, u l-karatteristiċi tad-depożiti.