lekċerer tal-infermerija

Ikteb, agħżel jew irrakkomanda sillabu ta’ materjal ta’ tagħlim għall-istudenti li jkunu rreġistrati fil-kors.

Użu ta’ diversi approċċi, ta’ stili ta’ tagħlim, u ta’ kanali għall-istruzzjonijiet lill-istudenti, bħall-komunikazzjoni ta’ kontenut f’termini li jistgħu jifhmu, l-organizzazzjoni ta’ punti ta’ taħdit għal raġunijiet ta’ ċarezza, u ripetizzjoni ta’ argumenti fejn meħtieġ. Użu ta’ firxa wiesgħa ta’ apparati u ta’ metodoloġiji ta’ tagħlim xierqa għall-kontenut tal-klassi, għal-livell, għall-għanijiet u għall-prijoritajiet tal-istudenti.

Familjarità ma’ għodod ta’ apprendiment imħallat billi jiġi kkombinat l-apprendiment tradizzjonali wiċċ imb wiċċ u online bl-użu ta’ għodod diġitali, teknoloġiji online, u metodi ta’ apprendiment elettroniku.

L-iżgurar li l-kontenut, il-metodi, il-materjali u l-esperjenza ta’ tagħlim ġenerali jkunu inklużivi għall-istudenti kollha u jitqiesu l-aspettattivi u l-esperjenzi ta’ studenti minn sfondi kulturali differenti. L-esplorazzjoni ta’ sterjotipi individwali u soċjali u żvilupp ta’ strateġiji ta’ tagħlim transkulturali.

Għoti ta’ tagħlim privat u supplimentari lill-istudenti sabiex itejbu t-tagħlim tagħhom b’mod individwali. Appoġġ u gwida għall-istudenti li jbatu f’ċertu suġġett jew li jsibu diffikultajiet fit-tagħlim.

Wettaq mentoraġġ lill-individwi billi tipprovdi appoġġ emozzjonali, taqsam l-esperjenzi u tagħti pariri lill-individwu biex tgħinhom fl-iżvilupp personali tagħhom, kif ukoll tadatta l-appoġġ għall-ħtiġijiet speċifiċi tal-individwu u tqis it-talbiet u l-aspettattivi tagħhom.

Appoġġa u ħarreġ lill-istudenti fix-xogħol tagħhom, agħti lill-istudenti appoġġ prattiku u inkoraġġiment.

Agħti struzzjonijiet lill-istudenti fit-teorija u l-prattika tal-infermerija, bil-għan li tgħinhom isegwu karriera futura f’dan il-qasam, b’mod aktar speċifiku f’suġġetti bħall-mediċina, l-ewwel għajnuna, l-anatomija umana, l-isterilizzazzjoni, u l-kura tal-pazjenti.

Tagħlim għall-istudenti fit-teorija u fil-prattika ta’ suġġetti akkademiċi jew vokazzjonali, permezz tat-trasferiment tal-kontenut ta’ attivitajiet ta’ riċerka proprji u ta’ oħrajn.

Ħejji l-kontenut li għandu jiġi mgħallem fil-klassi bi qbil mal-objettivi tal-kurrikulu permezz ta’ eżerċizzji ta’ abbozzar, riċerka ta’ eżempji aġġornati eċċ.

Assigura li l-materjali meħtieġa biex tiġi mgħallma lezzjoni, bħall-għajnuniet viżivi, jitħejjew, jiġu aġġornati, u jkunu preżenti fl-ispazju tal-istruzzjoni.

Ikkomunika mal-immaniġġjar tal-edukazzjoni, bħall-prinċipal tal-iskola u l-membri tal-bord, u mat-tim ta’ appoġġ għall-edukazzjoni bħall-assistent tat-tagħlim, il-konsulent tal-iskola jew il-konsulent akkademiku dwar kwistjonijiet li għandhom x’jaqsmu mal-benessri tal-istudenti.

Il-komunikazzjoni mal-persunal tal-iskola bħalma huma l-għalliema, l-assistenti l-għalliema, il-konsulenti akkademiċi, u l-prinċipal dwar kwistjonijiet relatati mal-benesseri tal-istudenti. Fil-kuntest ta’ università, kollaborazzjoni mal-persunal tekniku u ta’ riċerka biex jiġu diskussi proġetti ta’ riċerka u kwistjonijiet relatati mal-korsijiet.

Evalwazzjoni tal-progress (akkademiku), tal-kisbiet, tal-għarfien dwar il-korsijiet u tal-ħiliet tal-istudenti permezz ta’ assenjamenti, testijiet, u eżamijiet. Dijanjosi tal-ħtiġijiet tagħhom u traċċar tal-progress tagħhom, ta’ dak li jmorru tajjeb fih u ta’ dak li jmorru ħażin fih. Formulazzjoni ta’ dikjarazzjoni kumulattiva tal-għanijiet li jkun kiseb l-istudent.

Żomm dixxiplina u involviment tal-istudenti matul l-istruzzjoni.

Erfigħ tar-responsabbiltà għall-apprendiment tul il-ħajja u għall-iżvilupp professjonali kontinwu. Involviment fl-apprendiment bħala appoġġ u aġġornament tal-kompetenza professjonali. Identifikazzjoni ta’ oqsma ta’ prijorità għall-iżvilupp professjonali abbażi ta’ riflessjoni dwar il-prattika proprja u permezz ta’ kuntatt mal-pari u mal-partijiet ikkonċernati.

Riċerka u stabbiliment ta’ deskrizzjoni ġenerali tal-kors li għandu jiġi mgħallem u kalkolu ta’ qafas ta’ żmien għall-pjan ta’ tagħlim skont ir-regolamenti tal-iskola u l-għanijiet tal-kurrikulu.

Kun żgur li l-istudenti kollha li jaqgħu taħt sorveljanza ta’ għalliem jew ta’ persuna oħra huma sikuri u li jiġu meqjusa. Osserva l-prekawzjonijiet tas-sikurezza fis-sitwazzjoni ta’ tagħlim.