Għalliem tal-iskola primarja għal persuni bi bżonnijiet speċjali/għalliema tal-iskola primarja għal persuni bi bżonnijiet speċjali

Evalwa l-aspetti differenti tal-ħtiġijiet tal-iżvilupp tat-tfal u taż-żgħażagħ.

Żgurar li l-istudenti jsegwu r-regoli u l-kodiċi ta’ mġiba stabbiliti fl-iskola u teħid tal-miżuri xierqa f’każ ta’ ksur jew ta’ mġiba ħażina.

Evalwazzjoni tal-progress (akkademiku), tal-kisbiet, tal-għarfien dwar il-korsijiet u tal-ħiliet tal-istudenti permezz ta’ assenjamenti, testijiet, u eżamijiet. Dijanjosi tal-ħtiġijiet tagħhom u traċċar tal-progress tagħhom, ta’ dak li jmorru tajjeb fih u ta’ dak li jmorru ħażin fih. Formulazzjoni ta’ dikjarazzjoni kumulattiva tal-għanijiet li jkun kiseb l-istudent.

Żomm dixxiplina u involviment tal-istudenti matul l-istruzzjoni.

Ippromwovi l-prevenzjoni, id-detezzjoni bikrija, u l-ġestjoni tal-problemi tat-tfal, filwaqt li tiffoka fuq id-dewmien fl-iżvilupp u disturbi, problemi ta’ mġiba, diżabilitajiet funzjonali, stress soċjali, disturbi mentali inklużi d-dipressjoni, u disturbi ta’ ansjetà.

Twettiq ta’ attivitajiet mat-tfal skont il-ħtiġijiet fiżiċi, emozzjonali, intellettwali u soċjali tagħhom billi jintużaw għodod u tagħmir xierqa li jiffaċilitaw l-interazzjoni u l-attivitajiet ta’ tagħlim.

Ħeġġeġ u ffaċilita l-iżvilupp tal-kurżità naturali u tal-ħiliet lingwistiċi u soċjali tat-tfal permezz ta’ attivitajiet kreattivi u soċjali bħar-rakkuntar tal-istejjer, logħob immaġinattiv, kanzunetti, tpinġija, u logħob.

Għin lit-tfal u liż-żgħażagħ jivvalutaw il-ħtiġijiet soċjali, emozzjonali u tal-identità tagħhom u jiżviluppaw awtoimmaġni pożittiva, itejbu l-awtostima tagħhom u jtejbu l-fiduċja tagħhom stess.

Identifikazzjoni tad-diffikultajiet u tas-suċċessi ta’ tagħlim tal-istudenti. Għażla tal-istrateġiji ta’ tagħlim u ta’ apprendiment li jsostnu l-ħtiġijiet u l-għanijiet individwali ta’ apprendiment tal-istudenti.

Appoġġa u ħarreġ lill-istudenti fix-xogħol tagħhom, agħti lill-istudenti appoġġ prattiku u inkoraġġiment.

Użu ta’ diversi approċċi, ta’ stili ta’ tagħlim, u ta’ kanali għall-istruzzjonijiet lill-istudenti, bħall-komunikazzjoni ta’ kontenut f’termini li jistgħu jifhmu, l-organizzazzjoni ta’ punti ta’ taħdit għal raġunijiet ta’ ċarezza, u ripetizzjoni ta’ argumenti fejn meħtieġ. Użu ta’ firxa wiesgħa ta’ apparati u ta’ metodoloġiji ta’ tagħlim xierqa għall-kontenut tal-klassi, għal-livell, għall-għanijiet u għall-prijoritajiet tal-istudenti.

L-iżgurar li l-kontenut, il-metodi, il-materjali u l-esperjenza ta’ tagħlim ġenerali jkunu inklużivi għall-istudenti kollha u jitqiesu l-aspettattivi u l-esperjenzi ta’ studenti minn sfondi kulturali differenti. L-esplorazzjoni ta’ sterjotipi individwali u soċjali u żvilupp ta’ strateġiji ta’ tagħlim transkulturali.

Ipprovdi assistenza lill-istudenti meta jaħdmu b’tagħmir (tekniku) użat f’lezzjonijiet ibbażati fuq il-prattika u solvi problemi operattivi meta jkun meħtieġ.

Għin lit-tfal bi bżonnijiet speċjali, identifika l-ħtiġijiet tagħhom, immodifika t-tagħmir ta’ klassi biex takkomodhom u tgħinom jieħdu sehem f’attivitajiet skolastiċi.

Kun żgur li l-istudenti kollha li jaqgħu taħt sorveljanza ta’ għalliem jew ta’ persuna oħra huma sikuri u li jiġu meqjusa. Osserva l-prekawzjonijiet tas-sikurezza fis-sitwazzjoni ta’ tagħlim.

Ipprovdi eżerċizzji u inkarigi addizzjonali li l-istudenti se jħejju d-dar, spjegalhom b’mod ċar, u ddetermina d-data ta’ skadenza u l-metodu ta’ evalwazzjoni.

Ħejji l-kontenut li għandu jiġi mgħallem fil-klassi bi qbil mal-objettivi tal-kurrikulu permezz ta’ eżerċizzji ta’ abbozzar, riċerka ta’ eżempji aġġornati eċċ.

Għallem lill-istudenti li jeħtieġu attenzjoni speċjalizzata, ħafna drabi fi gruppi żgħar, billi taqdi l-bżonnijiet, id-disturbi u d-diżabilitajiet individwali tagħhom. Ippromwovi l-iżvilupp psikoloġiku, soċjali, kreattiv jew fiżiku tat-tfal u l-adoloxxenti permezz ta’ metodi speċifiċi bħal eżerċizzji ta’ konċentrazzjoni, rwoli f’reċta, taħriġ ta’ moviment, u żebgħa.

Għallem lill-istudenti tal-iskola primarja t-teorija u l-prattika ta’ varjetà ta’ suġġetti, bħall-matematika, il-lingwi, u studji tan-natura, billi tibni l-kontenut tal-kors ibbażat fuq l-għarfien eżistenti tal-istudenti u tinkoraġġihom japprofondixxu l-fehim tagħhom dwar is-suġġetti li huma interessati fihom.